កាលពីសប្ដាហ៍មុននេះ មហាសេដ្ឋពិភពលោក និងជាស្ថាបនិកក្រុមហ៊ុន Microsoft លោក Bill Gates បានលក់នូវហ៊ុនមួយចំនួនរបស់ Microsoft ដែលជាហេតុធ្វើឲ្យមនុស្សជាច្រើនមានការភ្ញាក់ផ្អើលព្រោះថា លោកគឺជាមហាសេដ្ឋី ដែលមានទ្រព្យជាងគេ លំដាប់ពិភពលោក ហេតុអ្វីបានជាលក់ហ៊ុនទៀត។
ដើម្បីបំបាត់ចម្ងល់នេះ លោក Bill Gates បានថ្លែងប្រាប់សារព័ត៌មាន CNBC ក្នុងកិច្ចសម្ភាសន៍ផ្ទាល់ថា ជាធម្មតា ក្នុងមួយត្រីមាសៗ លោកតែងតាំងលក់ ហ៊ុនបន្ដិចម្ដងៗ ប៉ុន្តែលោកបានសន្យាថា លោកនឹងឈប់លក់ហ៊ុនចាប់ពីចុងឆ្នាំ ២០១៤ នេះតទៅ។
កាលពីសប្បាយមុន លោក Bill Gates បានលក់ហ៊ុនចំនួន ៤,៦លានហ៊ុន ដែលបានកាត់បន្ថយហ៊ុនផ្ទាល់ខ្លួនរបស់លោក មកនៅត្រឹម ៣៣០,១លានហ៊ុន ដែលនាំឲ្យលោកមានហ៊ុនតិចជាង អតីតនាយកប្រតិបត្តិ លោក Steve Ballmer ទៀត។
គួរបញ្ជាក់ផងដែរថា លោក Bill Gates ជាមហាសេដ្ឋ ដែលមានទ្រព្យ ច្រើនជាងគេនៅក្នុងឆ្នាំ ២០១៤ ដែលសរុបទាំងអស់មានចំនួន ៧៧ពាន់លានដុល្លារអាមេរិក ហើយលោកគឺជាមនុស្ស ដែលបរិច្ឆាកច្រើនជាងគេបំផុត សម្រាប់មូលនិធិសម្បុរសធម៌ ក្នុងនោះលោកក៏បាន បរិច្ឆាកនូវទឹកប្រាក់ ជាច្រើនសម្រាប់កម្ពុជាផងដែរ៕
