កាលពីមួយរយៈមួយ Flappy Bird បានធ្វើឲ្យអ្នកលេងស្ទើរឆ្គួត ក្រោយពេលដែលអ្នកផលិតហ្គេម ជនជាតិវៀតណាម បានដកចេញពី App Store។ ដោយឡែកនៅពេលនេះ Flappy Bird អាចនឹងត្រឡប់មកកាន់ទូរស័ព្ទដៃសាជាថ្មី។
ថ្លែងនៅក្នុងកិច្ចសម្ភាសន៍ ជាមួយនឹងទស្សនាវដ្ដី Rolling Stone លោក Nguyen Ha Dong ជាអ្នកផលិតហ្គេម Flappy Bird បានបញ្ជាក់ឲ្យដឹងថា លោកកំពុងតែពិចារណា នឹងយកហ្គេម Flappy Bird ដាក់ឲ្យលេងនៅលើ ទូរស័ព្ទដៃជាម្ដងទៀត។
លោកបានបញ្ជាក់ថា ខណៈពេលដែលលោក មិនទាន់នឹកឃើញអ្វីដែលថ្មី សូមអ្នកនិយមលេងទាំងអស់ សម្រាប់បន្តិចសិន កុំទាន់គិតអ្វីផ្សេង។
គួរបញ្ជាក់ផងដែរថា លោក Dong Nguyen អាចរកប្រាក់ចំណូលបាន ៥០.០០០ដុល្លារអាម៉េរិក ក្នុងមួយថ្ងៃពីហ្គេម Flappy Bird ប៉ុន្តែមិនដឹងហេតុអ្វីបានជា គាត់លុបចោលចេញពី App Store វិញនោះទេ៕
