យោងតាមការចុះផ្សាយ របស់សារព័ត៌មាន WSJ បានឲ្យដឹងថា ក្រុមហ៊ុន Sony កំពុងសម្លឹងលក់អតីត ទីតាំង កណ្ដាលរបស់ខ្លួន នៅក្នុងទីក្រុងតូក្យូ ព្រមទាំងមានគម្រោង ជម្រុះបុគ្គលិកចំនួន ១.០០០នាក់ នៅក្នុង សហរដ្ឋអាមេរិក។
ប្រភពខាងលើមិនបានបញ្ជាក់ពីមូលហេតុ ដែលនាំឲ្យក្រុមហ៊ុន Sony ចង់លក់ទីតាំងកំណើត របស់ខ្លួននោះទេ ប៉ុន្តែបើតាមប្រភពផ្សេងទៀត បានបញ្ជាក់ថា ក្រុមហ៊ុន Sony ចង់សាងសងអគារថ្មី នៅក្នុងទីក្រុងតូក្យូ ដែលជា អគារពាណិជ្ជកម្មមួយ៏ធំ។
គួរបញ្ជាក់ផងដែរថា ក្រុមហ៊ុន Sony បានលក់អាជីវកម្មកុំព្យូទ័រ VAIO ទៅឲ្យក្រុមហ៊ុនឯកជនជប៉ុន Janpan Industrail Partners កាលពីខែមុន ៕
