វ៉ាស៊ីនតោន៖ ប្រធានទីភ្នាក់ងារសន្តិសុខជាតិអាម៉េរិក (NSA) លោក Michael Rogers បានច្រានចោលព័ត៌មាន ដែលបានចេញផ្សាយ ដោយគេហទំព័រ Intercept ថា នោះជាព័ត៌មានមិនពិត ។ នេះបើយោងតាមការចុះផ្សាយរបស់ Reuters នៅថ្ងៃទី២៤ ខែកុម្ភៈ ឆ្នាំ២០១៥ ។
ការច្រានចោលរបស់លោក Michael Rogers ត្រូវបានធ្វើឡើង ក្រោយពេលគេហទំព័រ Intercept បានបង្ហាញ សេចក្ដីរាយការណ៍មួយថា ទីភ្នាក់ងារសន្តិសុខជាតិអាម៉េរិក និងចក្រភពអង់គ្លេសបានរួមគ្នា Hack ទៅលើក្រុមហ៊ុន ផលិតស៊ីមកាតធំជាង នៅលើពិភពលោក Gemalto ដើម្បីគ្រប់គ្រង ទៅលើលេខកូដសម្ងាត់ ដែលអាចឲ្យពួកគេ ចូលទៅកាន់ស៊ីមកាត ទាំងអស់ទូទាំងពិភពលោក ហើយលួចស្តាប់ការសន្ទនា ៕
