Electronic Arts (EA) ជាក្រុមហ៊ុនផលិត វីដេអូហ្គេមមួយរបស់ សហរដ្ឋអាមេរិក បាននិយាយថា ខ្លួនទទួលបាន ប្រាក់ចំណូលពី App Store របស់ Apple ច្រើនជាងប្រាក់ចំណូល ដែលបានមកពី ការលក់រាយនៅតាម បណ្ដាហាងផ្សេងៗ។
លោក Peter Moore ប្រធានចាត់ការទូទៅ របស់ក្រុមហ៊ុន EA បាននិយាយថា ខ្លួនបានសហការ ជាមួយនឹងក្រុមហ៊ុន Apple ក្នុងការលក់នូវហ្គេម ផ្សេងៗនៅលើ App Store ដែលជាលទ្ធផល យើងទទួលបាន ប្រាក់ចំណូលច្រើនជាង ការលក់នៅតាមហាង លក់រាយផ្សេងៗ។
ក្រុមហ៊ុនបានបញ្ជាក់ថា ខ្លួនទទួលបានប្រាក់ចំណូល ៩០លានដុល្លារអាមេរិក ពីការលក់ហ្គេមសម្រាប់ ស្មាតហ្វូន និង Tablet ព្រមជាមួយគ្នានោះ ប្រាក់ចំណូលរបស់ EA ទទួលបានប្រាក់ចំណូលពី iTunes សរុបចំនួន ៣,៩ពាន់ លានដុល្លារអាមេរិក៕
