ក្រុមហ៊ុន Samsung នឹងបង្ហាញ Tablet កាន់តែច្រើន ជាមួយទំហំអេក្រង់ខុសគ្នា ប៉ុន្តែលើកនេះ មិនមែនជា Tablet ត្រកូលGalaxy ទៀតនោះទេ។ Tablet ថ្មីនេះ មានឈ្មោះ ATIV Q និង ATIV Tab 3 គឺជាTablet ដំណើរការដោយ ប្រព័ន្ធប្រតិបត្តិការ Windows 8 ដែលផ្តល់នូវសមត្ថភាព ខុសគ្នាយ៉ាងខ្លាំង និងបន្ថែម មុខងារពិសេស ខុសប្លែកពីត្រកូល Tablet ម៉ូដែលមុនៗ របស់ក្រុមហ៊ុន Samsung ។
ATIV Q គឺជាTablet មានបញ្ចូលនូវ មុខងារយ៉ាងពិសេស ព្រោះតែវាជាក់ស្តែង អាច preloaded ជាមួយប្រព័ន្ធប្រតិបត្តិការ Android 4.2 Jelly Bean ដែលអាចឲ្យអ្នកប្រើប្រាស់ មានជម្រើសដើម្បី ប្រើប្រាស់កម្មវិធី Android apps ពេញនិយមជាច្រើន ដែលមិនទាន់មាន វត្តមាននៅលើ Windows 8។
ក្រុមហ៊ុន Samsung ក៏បាននិយាយថា អ្នកប្រើប្រាស់ ATIV Q ក៏នឹងអាចផ្ទេរ file ទៅ share folders ហើយ files ពីប្រព័ន្ធប្រតិបត្តិការ Windows 8ទៅ Androidបានដែរ ហើយជាក់ស្តែងអាចផ្ទេរ ទិន្នន័យពីទូរស័ព្ទទៅ កុំព្យូទ័របានទៀត។ ឧបករណ៍នេះ មានអេក្រង់ទំហំ ១៣,៣អ៊ីញ ជាមួយ resolution បង្ហាញរូបភាព 3200 x 1800 pixels បំពាក់ Intel Core i5 processor មាន RAM ទំហំ 4GB មានអង្គចង់ចាំទំហំ 128GB និងមានថាមពល ថ្មអាចប្រើបាន ៩ម៉ោង។
ស្របពេលជាមួយគ្នានេះដែរ ATIV Tab 3 ត្រូវបានគេចាត់ចំណាត់ថា្នក់ជា Windows 8 tablet ស្តើងជាងបង្អស់ និងមានកំរាស់ ៨,២មីល្លឺម៉ែត្រ។ Tabletនេះ មានលក្ខណៈឌីហ្សាញ រូបរាងស្រដៀងគ្នានឹងត្រកូល Tablet ពេញនិយម Galaxy និង ស្រដៀងគ្នានឹង Galaxy Note 8 ដំណើរការដោយប្រព័ន្ធ Windows ។ ឧបករណ៍នេះ មានអេក្រង់ទំហំ ១០,១អ៊ីញ ជាមួយ resolution បង្ហាញរូបភាពក្នុងកម្រិត 1366 x 768 pixels
បំពាក់ Intel ATOM Z2760 processor មាន RAM ទំហំ 2GB មានអង្គចងចាំទំហំ 64GB និងមានអាយុកាលថ្មប្រើបាន១០ម៉ោង។ ឧបករណ៍ក៏អាច preloaded ជាមួយ Office 2013។ ចំពោះកាលបរិច្ឆេទ បង្ហាញខ្លួន និងតម្លៃ នៃTablet ទាំងពីរនេះ នៅមិនទាន់ដឹងនៅឡើយនោះទេ។
