រីអូដេហ្សិនណែរូ៖ អតីតកីឡាករក្លឹប Real Madrid និង កីឡាករជម្រើសជាតិប្រេស៊ីល លោក Julio Baptista បានចូលរួមលេងជាមួយនឹងក្លឹប Orlando City ស្ថិតក្នុងក្របខណ្ឌ Major League Soccer ។
យោងតាមទីភ្នាក់ងារសារព័ត៌មាន ស៊ីនហួ ចុះផ្សាយ ថ្ងៃទី២៤ ខែមីនា ឆ្នាំ២០១៦ បានឲ្យដឹងថា Julio Baptista អាយុ៣៤ឆ្នាំ បានចាកចេញពីក្លឹប Cruzeiro កាលពីខែធ្នូឆ្នាំទៅ ។
ក្លឹប Orlando City បានចេញសេចក្តីថ្លែងការណ៍បញ្ជាក់ថា «Julio Baptista គឺជាកីឡាករខ្លាំង ទាំងរាងកាយ និងយុទ្ធសាស្ត្រលេង »។
ក្លឹបខាងលើបានបន្តថា «យើងពិតជាមានភាព សប្បាយរីករាយ ខ្លាំងណាស់ ដែលគាត់មកហ្វឹកហាត់ ជាមួយនឹងយើង កាលពីដើមខែនេះ »។
កីឡាករ Julio Baptista រកបាន ១៦៣គ្រាប់ ក្នុងចំណោម ៥២៦ប្រកួត និងធ្លាប់លេង តំណាងឲ្យជាតិបាន ៤៥ដង និងរកគ្រាប់បាល់ចំនួន ៨គ្រាប់៕
