លោក Phillip Hughes វ័យ ២៥ឆ្នាំ កីឡាករ Cricket បានទទួលមរណភាព នៅក្នុងមន្ទីរពេទ្យ បន្ទាប់ពីប៉ះទង្គិចផ្នែក សរសៃឈាមខួរក្បាល ។ នេះបើយោងតាមការ ចុះផ្សាយរបស់ BBC នៅថ្ងៃទី២៧ ខែវិច្ឆិកា ឆ្នាំ២០១៤ ។
លោកវេជ្ជបណ្ឌិត Peter Brukner បានថ្លែងឲ្យដឹងថា កីឡាករ Hughes បានស្លាប់នៅក្នុងមន្ទីរពេទ្យ ដោយសារតែមិនអាច ដកដង្ហើមដោយខ្លួនឯងបាន ហើយប្រើប្រាស់ ខ្យល់អុកស៊ីសែន ។
គួរបញ្ជាក់ផងដែរថា កីឡាករ Hughes បានរងរបួសចំក្បាល ធ្វើឲ្យដាច់សរសៃខួរក្បាល ដោយសារតែគ្រាប់បាល់បានប៉ះចំក្បាល ហើយមួកការពារ ដែលគាត់បានពាក់ ហាក់ដូចជាខុសបច្ចេកទេស៕
