Reuters៖ ក្រុមហ៊ុន Samsung Electronics Co Ltd មានគម្រោងវិនិយោគទុនទឹកប្រាក់ ១៤,៧ពាន់លានដុល្លារអាម៉េរិក ដើម្បីបង្កើតរោងចក្រផលិតឈីបថ្មី នៅលើទឹកដីប្រទេសកូរ៉េខាងត្បូង ដែលជាអាជីវកម្មដ៏ធំមួយ ក្នុងការផលិតឧបករណ៍ពាក់កណ្ដាលសម្រេច ។
ក្រុមហ៊ុនផលិតមេម៉ូរ៉ីធំជាងគេ នៅក្នុងពិភពលោកនេះ បាននិយាយថា រោងចក្រថ្មីនេះនឹងជួយជំរុញ ក្នុងការផលិតឧបករណ៍ ពាក់កណ្ដាលសម្រេច ខណៈដែលតម្រូវការឧបករណ៍សម្រាប់ទូរស័ព្ទដៃទាំងនោះកំពុងកើនឡើង ។
ក្រុមហ៊ុន Samsung បានរំពឹងថា នៅពាក់កណ្ដាលឆ្នាំ២០១៧ នៅពេលដែល រោងចក្រនេះប្រតិបត្តិការ នឹងទទួលបានលទ្ធផលល្អ ហើយតម្រូវការឧបករណ៍ ពាក់កណ្ដាលសម្រេចក៏នៅ តែមានតម្រូវការខ្ពស់ដដែល ៕
