ក្រុមហ៊ុន Microsoft នៅថ្ងៃអង្គារម្សិលមិញនេះ បានបង្ហាញដំណឹងល្អមួយ ដល់អតិថិជនដែល ប្រើប្រាស់ប្រព័ន្ធដំណើរការ Windows ឲ្យបានដឹងថា ប្រព័ន្ធដំណើរការថ្មីនឹងមកដល់ឆាប់ៗ។
ប្រព័ន្ធដំណើរការថ្មីនោះត្រូវបានក្រុមហ៊ុនហៅថា "Windows 10" ខណៈដែល Windows 8 មិនជោគជ័យលើទីផ្សារ ក្រោយពេលបង្ហាញ ខ្លួនអស់រយៈពេល ២ឆ្នាំ។ តាមការបញ្ជាក់បន្ថែម Windows 10 នឹងមានផ្ដោតសំខាន់ ទៅលើលក្ខណៈពិសេសជាច្រើន ប៉ុន្តែបុគ្គលិកជាន់ខ្ពស់ដែល ទទួលបន្ទុកផ្នែកនេះមិនបាន បញ្ជាក់ពីព័ត៌មានលំអិតឡើយ។
លោក Joe Belfiore អនុប្រធានជាន់ខ្ពស់ទទួលបន្ទុកផ្នែក Windows របស់ Microsoft បានថ្លែងឲ្យដឹងថា Windows 10 នឹងធ្វើឲ្យអតិថិជនពេញចិត្ត និងព្រមទទួលយកដោយក្ដីរីករាយ ហើយវានឹងដើរតួយ៉ាងសំខាន់ទៅលើអាជីវកម្មមួយនេះ៕
