កាលពីថ្ងៃពុធ កន្លងទៅនេះ ក្រុមហ៊ុន LG Display បានប្រកាសនឹងនាំយកស្មាតហ្វូនអេក្រង់បត់បែនបាន មកលក់នៅលើទីផ្សារនៅក្នុងត្រីមាសទី៤ ឆ្នាំ ២០១៣។
នៅក្នុងកិច្ចសម្ភាសន៍ជាមួយសារព័ត៌មានក្នុងស្រុក The Korea Times អ្នកនាំពាក្យក្រុមហ៊ុន LG លោក Frank Lee បាននិយាយថា ក្រុមហ៊ុនសង្ឃឹមថា អតិថិជនរបស់ខ្លួននឹងចេញចិត្តចំពោះស្មាតហ្វូនអេក្រង់បត់បែនបាន បើទោះបីជាវាមិនមានលក្ខណៈពិសេសច្រើនក្ដី ប៉ុន្តែវាជាស្មាតហ្វូនមួយដែលប្លែក។
ក្រុមហ៊ុន LG ក៏មានគម្រោងលក់នូវបន្ទះអេក្រង់ស្មាតហ្វូនបត់បែនបាននេះទៅឲ្យក្រុមហ៊ុនផលិតស្មាតហ្វូនផ្សេង ដូចជា Apple ផងដែរ។
គួរបញ្ជាក់ផងដែរថា ក្រុមហ៊ុន LG នឹងក្លាយជាគូប្រជែងជាមួយនឹងក្រុមហ៊ុន Samsung លើការចេញលក់ស្មាតហ្វូនអេក្រង់បត់បែននេះ៕
