មួយរយៈពេលក្រោយនេះ មានព័ត៌មានលេចឮពាក់ព័ន្ធនឹង iPhone ជំនាន់ថ្មី ឬ iPhone 6 យ៉ាងច្រើនសន្ធឹក ដោយឡែកនៅថ្ងៃនេះក៏មិនខុសពីប៉ុន្មានដែរ ប៉ុន្តែព័ត៌មានមួយនេះ ហាក់ដូចជាច្បាស់ជាងមុន។
យោងតាមសារព័ត៌មានបារាំង No Where Else បានឲ្យដឹងថា នៅពេលនេះ iPhone ជំនាន់ថ្មី ឬ iPhone 6 ត្រូវបានរចនាឡើងរួចរាល់ហើយ ពោលគឺការរចនា ត្រូវបានបញ្ចប់ នៅរង់ចាំតែការផលិត និងការបង្ហាញខ្លួនប៉ុណ្ណោះ។
តាមរយៈរូបភាពដែលបាន បង្ហាញឲ្យគេហទំព័រខាងលើ ឃើញថា iPhone ថ្មីនេះ ហាក់ដូចជាមាន រូបរាងធំជាងម៉ូដែល អាចដូចអ្វីទៅនឹង ព័ត៌មានចចាមអារ៉ាមថា វាមានអេក្រង់ទំហំ ៤,៧អ៊ីង។
រូបភាពដែលទទួលបាននេះ មិនត្រូវបានបង្ហើប ឲ្យដឹងពីប្រភពឡើយ ប៉ុន្តែតាមតែអ្វីដែលធ្លាប់ លេចឮកន្លងមកពីវាត្រូវបាន ទម្លាយចេញពីប្រទេសចិន ឬតៃវ៉ាន់៕
